FRO.LU – Parliamentary Oversight - Recent questions in Sports

Staatlech Ënnerstëtzung vum Behënnertesport

Mon, 23 Jan 2023 12:32:45 +0000

Ech hu festgestallt, dass am Détail vum Artikel 13.0.33.020 deen een am Projet de Loi vum jeweilegen Exercice ka gesinn jährlech ëmmer 5 oder 6 stelleg Beträg fir d’Preparation vun de paralympesche oder olympesche Spiller opgelëscht goufen. Eng Ënnerstëtzung vum Behënnertesport ass immens wichteg an nëmmen ze begréissen.

Ech kann awer néierens am Budget oder am Projet de Loi eppes fannen wat Special Olympics vun Ënnerstëtzung fir hier Summer- bzw Wanterspiller kréien. Dëst Joer sinn z.B. d’Special Olympics World Games zu Berlin.

Meng Fro ass elo ob Special Olympics och eng extra Ënnerstëtzung fir d’Preparatioun fir hier Weltspiller kritt a wa jo, vu wéienegm Artikel?

Wann nee, aus wéienge Grënn kréien se déi dann net a stellt dat dann net eng Diskriminatioun vu geeschteg behënnerte Sportler duer?

Weiderhinn hunn ech op der Sich no enger Äntwert dorobber am leschte Rappport d’activité 2021 deen de Sportministère verëffentlecht huet gesinn, dass d’Joer 2020 Luxemburg Paralympic Comitee LPC (Handisports) 197 Lizensen hat an 118.327,93€ Subside kruten während Special Olympics (ALPAPS) laut Rapport d’activité 653 Lizensen haten an 19.711.79€ u Subside kruten. Am Verhältnis kritt e Sportler vu Paralympic 20 mol méi wéi e Sportler vu Special Olympics. Wéi setzen sech déi eenzel Beträg zesummen a wéi sinn déi grouss Ënnerscheeder bei den 2 Federatiounen fir Behënnertesport ze erklären?

Merci fir ären Asatz.

Steuerverschwendung im Sportministerium

Mon, 07 Mar 2022 08:52:08 +0000

In der luxemburgischen Boulevardpresse (luxprivat) ist vor ein paar Tagen ein Artikel über Steuerverschwendung im Sportministerium veröffentlicht worden. So soll das Sportministerium allein für 4 Sessel und 2 Hocker über 11.000€ ausgegeben haben. Eine einfache Internetsuche mit den Suchbegriffen „Fußball Sessel und Hocker“ führt schnell auf verschiedene Anbieterseiten auf denen man die im Artikel angegebenen Preise bestätigt bekommt (https://www.lento.de/lillus/) und sich somit der Artikel oder zumindest ein Teil davon als wahr erweist. Aufgrund der Behauptungen in diesem Artikel und der möglichen Preisbestätigung mittels einer einfachen Internetsuche, möchte ich den Sportminister folgende Fragen stellen:

1. Hat das Sportministerium die im Artikel erwähnten Fußball Sessel und Fußball Hocker erworben und wenn ja, zu welchem Preis (Einzelpreis und Gesamtpreis inklusive Mehrwertsteuer).

2. Hat der Minister die Bestellung selbst in Auftrag gegeben und die Zahlungsanweisung auch selbst unterschrieben? Wenn nicht, wurde die Bestellung und Zahlungsanweisung im Auftrag des Ministers getätigt? Wenn nicht, wusste der Minister im Vorfeld über diese Bestellung Bescheid? Wer hat die Bestellung in Auftrag gegeben und wer hat die Zahlungsanweisung unterschrieben?

3. Über welchen Haushalt und über welchen Haushaltsartikel wurden diese Ausgaben getätigt (Bâtiment Public oder Sportministerium)? Waren diese 5-stelligen Ausgaben in Haushaltsentwurf vorgesehen und dementsprechend auch argumentiert?

4. In dem besagten Artikel wird erwähnt, dass ein gigantisches Bild des Fußballstadions eine Wand ziert. Befindet sich im Sportministerium tatsächlich solch eine besagte Wand? Wenn ja, wo befindet sie sich? Was hat diese Wand gekostet (Endpreis inklusive Mehrwertsteuer)? Wer hat sie in Auftrag gegeben? Wer hat die Zahlungsanweisung unterschrieben? Wurde diese Bildwand vom Minister in Auftrag gegeben oder im Vorfeld genehmigt? Über welchen Haushaltsartikel wurde diese Ausgabe getätigt und war die Ausgabe im Haushaltsentwurf vorgesehen?

5. Immer noch im gleichem Artikel wird berichtet, dass ein hoher Beamter sich sein Büro neu ausgestattet haben soll. Wurde das Büro eines hohen Beamten mit hochwertigen und deshalb auch teuren Möbel neu ausgestattet? Wenn ja, welche Möbel wurden zu welchem Preis erworben (Einzelauflistung der Möbel mit Einzelpreis und Endpreis inklusive Mehrwertsteuer)? Über welchen Haushaltsartikel wurden diese Ausgabe getätigt und waren sie im Haushaltsentwurf vorgesehen? Hat der Minister diese Ausgaben angeordnet? Wenn nicht, wer hat diese Ausgaben angeordnet und wer hat die Zahlungsanweisung unterschrieben?

6. Ist der Minister der Meinung, dass solche hohen Ausgaben für Luxusgüter in Zeiten der schwersten Krise seit 70 Jahren angebracht sind oder würde der Minister diese Ausgaben auch als Steuerverschwendung bezeichnen? Sind solche unnötigen luxuriösen Ausgaben im Sportministerium üblich und gibt b.z.w. gab es in den letzten 5 Jahren noch andere vergleichbaren Ausgaben für Luxusgüter oder zur persönlichen Zufriedenstellung hoher Beamter?

Elitesportler an der Arméi an am ëffentlechem Déngscht

Fri, 11 Feb 2022 18:15:07 +0000

Op Gronnd vun der Question orale Nr 289 vum Här Deputéierten Claude Lamberty an der Chambersëtzung vum 8.Februar 2022 un den Här Sportminister Georges Engel am Bezuch zu der Carrière Civile fir Elitesportler géing ech dem Sportminister, dem Verteidejungsminister an dem Minister vum Ëffentlechen Déngscht gäere folgend Froen stellen:

A. Am Moment besteht jo schon d’Section des sports d’élite de l‘Armée.
1.Wéivill Sportler sinn an der Arméi als Sportszaldot agestallt?
2. Wéieng Sportarten üben déi Sportler aus, bzw wéienge Federatiounen gehéieren se un?
3. Vu wéiengem Budget ginn d’Dépenses fir d’Salaires bezuehlt a wéivill belafen sech déi jährlech Ausgaben fir de Staat fir déi Sektioun vun der Arméi (Dépenses vun der Arméi an déi vum Sportministère eenzel opgefouert)?

Am Moment gëtt et fir Staatsugestallten eng ähnlech Dispositioun, notament den Horaire aménagé deen am Artikel 14 Punkt 1 vum Sportgesetz vum 3.August 2005 steht a folgendes virgesäit

„Un horaire de travail aménagé peut être introduit dans l'intérêt des sportifs d'élite occupés dans le secteur public. Par secteur public il y a lieu d'entendre l'Etat, les communes, les syndicats de communes, les établissements publics et la société nationale des chemins de fer luxembourgeois. »
1. Wéi ass deen Horaire aménagé an der Fonction public geregelt ?
2. Gëtt et e Règlement Grand-Ducal deen d’Dispositiounen vun deem Horaire aménagé definéiert ?
3. Ginn et Agenten an der Fonction Publique déi vun deem Horaire aménagé profitéieren ? Wa jo, wéivill Agenten sinn et, wéiee Statut hu se an a wéienger Carrière befannen déi Agenten sech (groupe de traitement/sous groupe de traitement)
4. Wat bedeit dat konkret fir déi Agenten hier Aarbechtszäiten betreffend ? Ass hieren Horaire journalier méi flexibel, esou dass se an hierem normalen Aarbechtspensum ausserhalb vun de Plages fixes och Trainingszäiten duerchféiheren kënnen, oder ginn déi Agenten carrément fräigestallt fir Sport ze maachen?
5. Wann déi Agenten fräigestallt ginn fir Sport ze maachen, wéivill Stonnen pro Dag, pro Woch, pro Mount a pro Joer kënnen se da maximal esoueng Dispense kréien?
6. Wéi gëtt de Salaire/Indemnitéit/Traitement während esouenger Dispense gehandhabt? Bezidd de Sportler de komplette Revenu wéi wann e géing zu 100% schaffen oder gëtt dee Salaire zu engem reduzéierten Taux indemniséiert, bzw guer net ausgeglach? Gëtt all Agent dee vum Horaire aménagé profitéiert onofhängeg vu sénger Carrière gläichhéich pro Stonn indemniséiert, oder bezidd den Agent seng normal Pei aus senger Carrière? z.B. e Fonctionnaire A1 gëtt während sénger Dispense weiderhinn mat séngem normalen Traitement bezuelt an e Salarié bezidd och säin normalen Salaire, oder gi béid Agengten gläichbehandelt a bezéihen déi selwecht Entschiedegung?
7. Wéieen Afloss op d’Carrière vum Agent huet deen Horaire aménagé? Leeft d’Carrière normal weider esou wéi wann den Agent zu 100% vu sénger Tâche géing schaffen oder gëtt se proratiséiert par rapport zu sengen effektiven Aarbechtszäiten an dementspriechend verzögeren sech seng Avancementer an der Carrière am Verhältnis zu sengem Horaire aménagé?
8. Wéivill Stonnen sinn esou an de leschte Joeren dispenséiert ginn? 2021, 2020, 2019, 2018 an 2017 eenzel opgelëscht w.e.g.
9. Wat ass de Gesamtmontant vun Traitementer, Indemnitéiten a Salaires déi an de leschte 5 Joer, op déi eenzel Joeren opgelëscht, esou un Agenten vun der Fonctiuon Publique ausbezuehlt gi sinn fir dass se hierem Sport kënnen nogoen? Opgelëscht no Joer, Unzuehl vu Sportler an Total vun Ausgaben fir Gehälter.
10. Wéieng Sportarten üben déi Agenten aus, bzw wéienge Federatiounen gehéieren se un?
11. Gëtt et deen Horaire aménagé fir Eenzelsportler an Équipesportler?
12. No wéienge sportlech wéi aarbechtsrelevanten Kriterien gëtt décidéiert ob en Agent vun deem Horaire aménagé ka profitéieren, ween hëllt déi final Décisioun a wou si se festgehale ginn? Wann een Agent déi Kriterien net méi erfëllt, kann den Horaire aménagé zu jidder Zäit nees zréckgezu ginn?

13. Ënnert wéienger Form gëtt deen Horaire aménagé aarbechtsrechtlech ofgeschloss? (Avenant zum Aarbechtsvertrag, Arrêté)? Wéieng Roll huet de Sportminister an där Prozedur? Gëtt en Avis vum Sportminister am Virfeld vun engem Accord vun engem Horaire aménagé ausgestallt? Gëtt am Prozess fir d’Décisioun zu esouengem Horaire aménagé den Avis vun der Représentation du personnel ageholl ?

14. Iwwert wéieen Zäitraum gëtt deen Horaire aménagé accordéiert?

15. Kann en Agent vum der Fonction Publique eng Demande fir esoueen Horaire maachen ?

16. Ginn et Dispositiounen déi virgesinn, dass den Agent ënnert verschiddenen Konditiounen déi finanziell Ënnerstëtzung muss rembourséieren? Z.b. Wann Doping konnt nogewise ginn?

Plan de relance am Sport

Sun, 21 Mar 2021 20:55:12 +0000

Op der Generalversammlung vum Comité Olympique et Sportif Luxembourgeois huet den Här Sportminister de Bilan vum Plan de relance am Sport presentéiert.

Deemno sinn 3,3 Milliounen € an de Sport investéiert ginn.,

Kéint de Sportminsister w.e.g déi Dépenses méi am Détail beschreiwen, an der Form :

Vun den 3,3 Milliounen € sinn :

X € an de Sport Compétitoon gaangen

Y an de Sports Loisirs

Z € an de Sport Santé

K € an de Sport thérapeutique

L € an de Behënnertesport

M € a Moossnahmen fir Inklusioun an Integratioun.

Zousätzlech géing eis interesséieren: Vun den X € déi an de Sport Compétition gaange sinn, waren der A € an de Sport d’Élite (Spëtzesport an 1. Ligen) a B € an de Breedesport (alles ënnert 1.Ligen).

Merci.

Jos

Schnelltester am Sport

Mon, 01 Feb 2021 21:42:13 +0000

Un d'Ministeren vum Sport a vun der Gesonndheet,

Madame, Monsieur,

Haut huet de Sportrminister jo op enger Pressekonferent Detailer matgedeelt wat zur Veerfügung stellen vun Schnelltester fir Sportveräiner betrëfft. Insgesamt stellt de Sportministère jo 60.000 där Tester zur Verfügung. An der Press steht, dass een Test ongeféier 10 € géing kaschten.

Net méi spéit wéi haut ass och informéiert ginn, dass an engem Alterheim e gréisseren Corona-Ausbroch mat insgesamt 81 Infizéierten an 8 Doudege war.

Dofir stelle mer gären der Madame Gesonndheetsmistzer an dem Här Sportminister folgend froen:

1. Wat ass de Gesamtmontant deen déi 60.000 Schnelltester kascht?

2. Si bis elo schon där Schnelltester an Atlersheimer oder Pflegestrukturen an den Asaatz komm? Wa jo, wéivill? Wann net, firwat net?

3. Wéivill Schnelltester si virgesinn fir kuerzfristeg, also ënnerhalb vun der nächster Woch, an Alterheimer a Pflegstrukturen an den Asaatz ze kommen? Wéivill insgesamt an den nächste Méint?

4. Déi Mesure vun de 60.000 Schnelltester fir Sportveräiner ass jo exklusiv fir de Sport Compétition. Ass esou eng Mesure och fir krank oder behënnert Leit virgesinn, déi Sport als Therapie dréngend brauchen?

5. Sport ass extrem wichteg fir d’Entwécklung an der Gesonndheet vun de Kanner. Wéieng Mesuren si virgesinn, dass d’Kanner och nees hierem Sport nogoe kënnen?

6. Sport ass generell fir d’Leit wichteg fir den Immunsystem ze stäerken. Besonneg an dëser Kris. Wéieng Mesuren hunn de Sportministère an de Gesonndheetsministère bis elo geholl fir deem Deel vun der Bevölkerung den Zougang zum Sport nees ze erlaben déi hiere Sport net an engem Sportveräin oder mam Objektiv Sport Compétition maachen? Wat huet dat bis ewell kascht? Wat ass kuerzfristeg nach geplangt?

7. Fannen d’Ministeren et fir opportun dass esouvill Créditer fir de Championnat vun 1.Équipen ausgi gëtt während fir krank Leit, eeler Leit, behënnert Leit, bedürfteg Leit oder Kanner net dat geréngste gemaach gëtt fir dass nees eng Sportsaktivitéit ausüben kënnen?

8. Ass eng ähnlech Mesure mat Schnelltester virgesinn fir dass den Horesca Sektor ënner Bedingungen nees demnächst kann opmaachen? Wa jo, wéivill Schnelltester sinn ugeduecht fir deem Sektor ze hëllefen? Wann nee, firwat net?

9. Wéi sënnvoll sinn déi Schnelltester am Sport wa se net verpflichtend sinn a wann d’Sportler sech dono fräi vermësche kënnen an net an enger Bull bleiwen wéi bei vergläichbaren Tester am Profisport am Ausland?

10. Op wéieng wëssenschaftlech Erkenntnisser berout dës Teststrategioe mat de Schnelltester fir Sportveräiner?

11. Ginn et retracéiert positiv Fäll vun Infizéierten déi op de Sport am Sportveräin a virun allem de Sport Compétition zreckzeféihere sinn? Wa jo, wéivill?

Merci.

Commissaire aux sports

Mon, 12 Oct 2020 13:09:13 +0000

An der leschter Zäit heefe sech an de Medien kritesch Aussoen iwwert de Funktionement vum Sportministère.

Hei sief z.B. un d’Aussoen vun de fréiheren héiche Beamten am Sport, dem fréiheren Direkter vun der ENEPS am Luxemburger Wort oder elo kierzlech zweemol vum fréihere Commissaire à l’Education physique et aux sports op RTL erënnert.

Esou Aussoen vun 2 Persounen déi e groussen Abléck an d’Funktionement vum Sport a vum Sportministère hunn, kënnen net onbemierkt bleiwen an dowéngst stelle mer dem Här Sportminister folgend Froen:

1. Ass de Sportminister der Meenung, dass de Sportministère e Commissaire à l’Education physique et aux Sports brauch a wa jo, ass geplangt dee Posten an noer Zukunft nei ze besetzen?

2. Ass de Sportminister der Meenung dass am Sportministère an der Féiherung Kompetenzen am Beräich Sport gebraucht ginn? Sinn déi Kompetenzen am Moment do a wa jo, wouranner leien déi Kompetenzen?

3. Wéivill Beamten schaffen am Sportministère? Wéivill vun deene Beamten hunn nogewise Kompetenzen am Beräich Sport, also absolvéiert Studien an de Beräicher vun der Sportwëssenschaft oder Sportmanagement?

4. Ass de Minister der Meenung, dass eng Professionaliséierung vum Spetzesport Hand an Hand mat enger Profesionaliséierung vun de Sportveräiner a Federatiounen muss goen a wa jo, wat huet de Sportministère an där Richtung bis elo gemaach a wat fir Konzepter sollen an Zukunft nach ëmgesat ginn.

Merci.

Rapport d'activité Ministère des Sports

Tue, 22 Sep 2020 08:18:11 +0000

Am Rapport d’activité vun de Ministèren kann een noliesen wat d’Haaptaktivitéiten an de jeweilegen Ressorts waren.

Esou och am Rapport d’activité vum Sportministère.

Elo ass opgefall, dass am Rapport d’Activité vum Sportministère vun de Joeren 2018 an 2019 d’Oplëschtung vun de Subsiden déi un d’Federatiounen an de COSL ausbezuehlt goufen net méi matgedeelt ginn ass.

Effektiv war déi Oplëschtung bis de Rapport d’activité 2017 ënnert dem Numm „Tableau concernant les fonds budgétaires directement versés aux fédérations et au C.O.S.L. en …» ëmmer matgedeelt ginn.

Dozou erlabe mer eis folgend Froen :

1. Firwat huet de Minister décidéiert déi Informatiounen déi e wesentlechen a wichtegen Deel vum Rapport d’activité duergestallt hunn net méi transparent ze verëffentlechen?

2. Wéi sinn déi Zuehlen fir d‘Rapports d’activités 2018 an 2019, also d’Exercices budgétaires 2017 an 2018? (an der selwechter Form a mat de selwechten Informatiounen wéi am uewen ernimmten Tableau dee bis de Rapport d’activité 2017 feste Bestanddeel vun dem Rapport war)

3. Wéi sinn déi Zuehlen fir dat ofgeschlossend Budgetsjoer 2019?

4. Deen Tableau informéiert iwert d’Subsiden fir d’Fédératiounen an de COSL, also de Sport Compétition. Ginn et nach aner Dépenses fir d'Fédératiounen an d'Veräiner a wa jo wéieng?

5. Wéieng Articles budgétaires betreffen direkt oder indirekt de Sport Compétition?

Merci

https://gouvernement.lu/de/publications/rapport-activite/minist-sports/msp/2017-rapport-activite-sport.html

https://msp.gouvernement.lu/de/publications.gouvernement%2Bde%2Bpublications%2Brapport-activite%2Bminist-sports%2Bmsp%2B2018-rapport-activites.html

https://gouvernement.lu/de/publications/rapport-activite/minist-sports/msp/2019-rapport-activite-msp.html

Schützen vun vulnerable Leit am Sport

Fri, 24 Jul 2020 16:36:04 +0000

Wei kann et sin dass am Sport vulnerabel Leit deel huelen?

An diversen Federatiounen gin Spiller / Offizieller op den Terrain gescheckt dei ganz kloer als vulnerabel unzegesin sin, sierf dat entweder duerch en Alter (65+) oder bekannten Erkrankungen.

Wat gesait Santé do fir?

As et net och un der Federatioun esou Leit vlait virun sech selwer ze schützen?

Iwwerhellt Santé, respektiv dei zoustänneg Federatioun responsabiliteit falls deenen Leit eppes geschitt?

Ech fannen et onverantwortlech dass hei'tLierwen vun vulnerable Leit weinst enger Fraizaitakttiviteit op't Spill gesaat gett mam Argument "Et geet jo keen dozou gezwongen".