Wéi am der Reportage „Touristen am ëffentlechen Transport: "Wéi Sardinnen an der Béchs"?“ vun RTL, den 25.07.2020, geschriwwe gouf, ginn et Problemer beim ëffentlechen Transport. An dat an enger Zäit wou en groussdeel vun de Leit nach ëmmer ob den ëffentlechen Transport verzicht. Dat besonnesch aus verständleche Grënn.
Leider huet den zoustännegen Ministère, no den Aschränkungen am ëffentlechen Transport keng weider Opmierksamkeet ereegt.
A besonnesch d ‘Aussoe vun der Pressestell vun der CFL, déi am Artikel, zitéiert gouf, léisst drun Zweiwelen datt dat all Acteuren aus dem ëffentlechen Transport alles maachen datt hier Cliente gesond bleiwen.
Dowéinst eng Réi vun Froen:
1. Wéi ass et mat der Ustiechungsgefor am ëffentlechen Transport?
2. Ginn Gefierer, aus dem ëffentlechen Transport, (Bus, Zuch) desinfizéiert?
3. Wat gëtt geplangt fir den Schülertransport am September an korrekte sanitäre Conditiounen ze organiséieren?
4. Ass et méiglech den ëffentlechen Transport deementspriechend ze organiséieren an ze reglementéieren datt all Persoun genuch Plaz huet? Eventuell just esouvill Leit mat ze huelen wéi Sëtzplaze do sinn.